Tierra De Melide Incendio

Diccionario enciclopédico gallego-castellano

O Diccionario, coñecido tamén como "O Don Eladio", é a obra dun egrexio lexicógrafo e dun profundo e amantísimo coñecedor da Galicia tradicional, un diccionario que non se limita a recompilar as palabras e os seus significados, senón tamén a explicalas no seu contexto social e cultural, a recrealas a facelas revivir a través das súas variantes e das expresións, frases e refráns ás que dan lugar. O primeiro volume do Diccionario, precedido dun fervoroso limiar de Otero Pedrayo, foi publicado en 1958 por Editorial Galaxia, quen contou nesta ocasión co patrocinio da Casa de Galica de Caracas. Os dous tomos restantes apareceron en 1960 e 1962 e desde ese momento "O Don Eladio" converteuse nunha referencia ineludible para lingüístas, filólogos, escritores e, en xeral, para todas as persoas interesadas en coñecer e apreciar a riqueza da lingua galega. O diccionario enciclopédico gallego-castellano é un monumento da lexicografía galega, con máis de 2.000 páxinas, co que se formaron xeracións enteiras de estudiosos e escritores.