Hindi naman black and white ang love, e. Love is a spectrum. Hindi porke't pagmamahal 'to sa' kin, kailangan, gano'n din ang depenisyon mo.
Hindi maitatanggi ni Kamille Yvette o Kayi, na may nararamdaman siya para kay Kalmia Bie o Kabi. Bukod sa halos magkapareho sila ng ngalan, tila tadhana na ang gumagawa ng paraan para paliitin ang mundong ginagalawan nilang dalawa. Mula sa pakikipagsiksikan sa MRT hanggang sa muli nilang pagkikita sa party ng isang kaibigan, baka nga si Kabi na ang babaeng para sa kanya.
Pero tila ayaw ito ng mundo. Bukod sa may boyfriend na si Kabi, hindi alam ni Kayi kung may nararamdaman din ito para sa kanya. O kung mayroon man, hindi nya mawari kung matatanggap ba ng iba ang relasyon nila.
Pula, kahel, dilaw, luntian, bughaw, indigo o lila-ano nga ba ang tunay na kulay ng pag-ibig para sa dalawang pusong tumitibok?