Å skrive dikt byrjar her. Diktkammeret er ei inspirerande handbok for alle som har lyst til å skrive dikt, og ho gjer det mykje lettare å kome i gang med diktinga.
Poeten Helge Torvund har inspirert mange til å skrive dikt gjennom Dagbladets nettsider. No er poesileksjonane hans frå Dagbladets Diktkammer endeleg samla. Boka byr på praktisk kunnskap om diktekunsten og inneheld mange konkrete eksempel, nyttige knep og lettfattelege inngangar til ulike tema. Dette kan dreie seg om alt frå å gjenta lydar, å dele ei linje, å overraske lesaren, og å skrive ”eg elskar deg”. Boka er eit samarbeid mellom Det Norske Samlaget og Dagbladet .