Sabi nila, kapag nagmahal ka raw ng dalawa, piliin mo yung pangalawa. Hindi mo naman siya mamahalin kung sapat ang nararamdaman mo sa nauna. Ako? Ang tanga ko lang dahil naniwala ako rito. Pinakawalan ko ang lalaki na nagmamahal sa akin para sa kanya... Para sa lalaking ni hindi man lang magdadalawang isip na saktan ako, sa lalaki na wala man lang nararamdaman ni katiting na pagmamahal sa akin na iniwan ang lahat para sa kanya. Sa lalaki na nagturo sa akin kung paano maging manloloko, ung paano magsinungaling... sa lalaki na kahit anong pananakit ang gawin sa akin ay hindi ko inakala na mamahalin ko pa rin.
"Kapat ako nagmahal, sisiguraduhin kong walang makakaalam, Annika. Dahil kapag nalaman nilang nagmamahal ako, sigurado akong sasaktan nila ako." Hindi ko makakalimutan lahat ng itinuro mo sa akin. Anuman ang nararamdaman ko, sisiguraduhin kong hindi mo malalaman... dahil sawang-sawa na akong masaktan at umiyak. Hindi na mauulit pa, Derek.
Hindi Ko Inakala
